مافهمتهمش

حترت و حار دليلي ضاقت بيا الدنيا راسي وجعني و النوم طار من عيني ... مافهمتهمش و عمري ماني بش نفهمهم مافهمتش كيفاش يخموا و كيفاش يتصرفوا كل ما تلقى واحد تقول هذا باهي ناس طيبة بمخوا و يعرف يتصرف يطلعلك بطلعة لا كانتلك لا عالبال و لاعالخاطر.... إلي مزال مايعرفش روحوا شنوة إلي حقة حقة خايف من دارهم و وقيت بش يعرس برا عاد كي اتطيح بواحد بابوروا زفر و هو يقلك "أنا صغيرة و منعرفشي'' أما اللي قالولهم اسكت هوما جماعة ''أنا عمري 27 سنة و توا شلقت بروحي'' لا يا بابا منيش بسي أنا بش نشوف العقد متاعك تي عفني حتى نحل مشاكلي الساعة  و خلي عاد ماتحكيش علي يبداهالك بوين عنا  بش نوصلوا .... يا ولدي نوصلوشي لبرج العامري إمشي معايا و برا سيب روحك شوية... أنا تقهرت قد ما حاولت نتبعهم و ما نجمتش .... حتى  كي عملت اللي مايتعملشي و قلت أتعس من هكة ما ثماش باقي خرجتلي حكاية مالحيط وقفتلي مخي بهمت اتسطكت تپلنتيت دورتها و و زنتها و خممت فيها و باقي مافهمتهاش هذاكا علاش شديت ر صاصي و قلت نكتب نعبر علي أنا حاسوا .... أما ستنى بلكشي أنا الغالط بلكشي أنا معقد و مانيش مفهوم بلكشي أنا مانيش كوول و نخمم كي العزايز الحكاية تشكشكت و دخلت بعضها و ولات أمك حورية بالزعرفان و أنا لتوا لا نجمت نعرف زعمة هوما... زعمة هو ... زعمة أنا