القيل و القال

فديت من حياتي ـ ـ يزي ياخي انتي شريت فيها الدنيا" ملا يا سيدي ريت و شفت و سمعت ريت العجايب و الغرايب سمعت الكلام المرزي و حسيت اي حسيت ، حسيت مايحس الي يعفس عالجمر ..... قالولي يزي استغفر مولاك فما ما أتعس قلتلهم وينوا مولايا شبيه رماني و نساني علاش ميزورنيش و ميتذكرنيش علاش معذبني و متعبني وأنا في حياتي معملت شيء.... قالولي باهي شوف غيرك كيفاش عايش قلتلهو يزوني و كيما قالت أك المهبولة هما شيء و أنا شيء و لا شيء يشبه الشي ..... جاو أخرين يتجعبوا و قالوا شبيك فيسع سلمت ماهو شد صحيح و حارب استحمل شوية مالقيت مانقلهم كان عيشوا الي عشتوا ذوقوا اللي ذقتوا حتوا حجرة تنزل على زدوراتكم تخنقكم و ما تقتلكم حسوا ما نحسوا ، ابكيوا بحرارة كيفي من غير ما تفهموا علاش عيشوا وحدكم عيشت الكلاب و بعد حلوا جدوقاتكم .... وهكة تعدى الوقة و مشات العباد و لحكاية قعدت في قيل و قال