حلمة

 ساعات تجيني في المنام تشدني من يدي و تقلي:

 -آف قوم معايا 
-وين هزيزني يا عشيري
-يزي آف باقي تسأل سيب روحك و ماتخافش
-نسيب روحي أما ماك تعرفني نحب نعرف كل شي يا عزيزي
-اي اي نعرف و هاو بش نقلك : أنا بش نهرب بيك يا آف 
-تهرب بيا وين و لواش ياحبيبي
-وين بعيد أبعدأبعد مما تتصور أما قريب أكثر مما تتصور و لواش ما غير ما تسأل يا آف أنا نخاف عليك و نحب نخبيك
-بعيد ....قريب ....خوف و حب ....تشنشينة هاذي؟ ولا تتمنيك عليا خاطرني صغير و مانفهمش
-هكة آف أنا نتمنيك عليك ؟ بعد الي عشناه الكل مع بعضنا أنا بش نخبيك بعيد عل العبا د أما قريب ليا أنا نخبيك نلصقك في صدري نعملك وشام فوق قلبي منوا ماتتحركش
-باهي هاني جاي ستناني
و عالتلفيتى مشى درت مالقيتوش اختفى ...غاب في الفراغ و لا خلى وراه لا جريدة لاسكر ولا قهوة أما خالاني وحيدة ...حبيبي بدلني والحلمة ولات غمة