lundi 20 février 2012

حتى أنا

حتى أنا من عايلة محافظة حتى أنا أمي كي تجبد شعرها عند الحجام تقعد تحكي كيفاش كي الصبية حتى أنا أمي كي ترا زوز ولاد يبوشوا في التلفزة تقول ربي يعفو بينا حتى أنا كي أمي تتغشش تقولي يا ميبون ياللي ماكش راجل حتى أنا كي راني بابا نكحل على ولد الجيران عتاني تراحة متع نباش القبور حتى أنا كي نحكي بحلة مع صحابي يعيتولي ياصبية حتى أنا كي نهبط للحومة ندور وحدي ونروح حتى أنا الحماص و الخضار و العطار بزنسني حتى أنا ليبون آي ميبون و نموت على ريحة الذكر أما أنا ماهربتش ماتخبيتش ماخفتش ، صحيح بكيت صحيح ندبتهم و قلت مش متاعنا بابا ما يقتلني أمي ماتكرهني ، خواتي بش ينكروا فيا فضيحتنا في الحومة بش تكون كبيرة أما بيني و بين روحي فهمت اللي أنا هكة خليقة ولا صنيعة مايهمنيش أنا قابل بروحي كيما أنا راضي بروحي و راضين بيا صحيح نكذب شوية و نخبي شوية أما شكون ماعندوش أسرار أنا عل الأقل لاقتلت و لاسرقت ...و هكا عشت و بش نكمل انعيش ...و الي يحبني يقبلني كيما أنا 

Aucun commentaire:

Enregistrer un commentaire