ماتبكيش

سلمت عليه ماجوبنيش .... كلمتوا تفاني ..... حلمت بيه نساني...... حبيتوا ماحسش بيا، عرفتوا أما عمروا مسمع بيا، سألت عليه طفاني، كحلت عليه مغزرليش ....زعمة شبيه ، زعمة علاش ، لازم أنا وجعتوا لازم قتلوا الي ما يتقال ماني نعرف روهي جلطام ....ندمت و ماسمحنيش.....بكيت و ممسحلت دموعي ....صحت كسرت الدار هديت الدنيا و شي مولا الدار مش هنا لاراني لاسمعني تقول ماناش في نفس العالم زعمة لدرجة هذي وجعتوا ....قداشني دوني و مخيبني ، نستاهل اللي صارلي وأكثر أنا غلط و هوا ماسمحنيش عندوا الحق أنا نستاهل لعصا..... لا ستن "آف" خاطيك انتي برسمي المرا هذي خاطيك هو الغالط هو البهيم هو المسطك شيهمك فيه عيش حياتك أنساه .... تفرهد شيخ ....ينعن بوها الدنيا كان واحد يفسدهالك .....ونعنبوها العيشة كان واحد يمررهالك .... علاش خايف ، مناش خايف ، تبكي ؟ ماتبكيش لاعاش و لا بقى في هالدنيا اللي يبكيك قوم تحلحز تحرك أرجع نڨر من بلاصة لبلاصة، راك راجل