منعرفكش ، ماريتكش ، ماكلمتنيش، ماسمعتكش....أما نستنى فيك توا سنين نفركس
عليك من حين و مين و انتي مافماش....زعمة مطفي الضوء و حاقرني ولا مكش تشوف
فيا و مكش حاسس بيا ....أنا هوني ...آي هوني قدامك هز راسك تلقاني
....شبيك واقف في الظلام أقرب شوية خن نراك ....ماتخافش مانكلش ....صحيح
ملهوف و عندي برشة عليك أما راني نحبك و نخاف عليك...نحطك بين رموش عينيا
ونبنن بيك بركة اظهر و بان و انتي اسم الله تقول مالجان....ولا تطلعشي حلمة
...تطلعشي كذبة ...تطلعش سراب ...صورهولي مخي كي كثر عليه العطش و
ذاب.....عييت وأنا ندادي ومالقيت عند حد مايبرد الجواجي...أما انتي سلخت
الجواجي، برحت دللت ...السلعة قريب تفزد ومالقيت شاري.....و انتي سيدي
ديما في العلالي...ناجيتك و ناديتك و عملت منك إلاهي أما انتي مكش بيا لاهي
....
Aucun commentaire:
Enregistrer un commentaire